一個台慶悲喜兩極　港視人盼有慶祝日

天國與地獄。這邊廂，300多名無綫小生花旦盛裝在將軍澳電視廣播城前慶祝台慶，一片歌舞昇平的假象。三街之隔，港視廠房地盤空無一人，這裏曾滿載夢想與期盼，如今淪落得冷冷清清，荒涼但很真實。由無綫過檔港視的陸駿光，幻想一天港視有屬於它的台慶，他拿着蛋糕在港視前默默唱出「Happy Birthday to HKTV」，可憾是有誰人聽到？

香港電視不獲發牌，全城震怒，無綫昨晚慶祝46歲生日，300多名小生花旦力撐《萬千星輝賀台慶》，網友卻發起熄機贈興，連日陳百祥（阿叻）牙擦擦指收視點跌到兩、三點便由將軍澳跪回家，其後又激進死諫，甚至借慈善捐款為名谷收視。雖然坊間民怨沸騰，無綫懶理反對聲，昨晚燈火通明在將軍澳電視廣播城開騷，整晚歌舞昇平，相反三街之隔的港視廠房地盤遭棄置一遍荒涼，雜草叢生，港視一日沒取得牌照，永遠都無望搞台慶。
港視藝人艾威、郭鋒、陳霽平和黃澤鋒等昨日繼續支持「萬千熄機賀台慶」，而港版「半澤」陸駿光孤伶伶在港視葵涌辦公室拿着蛋糕吹蠟蠋，他還是奢望港視可有屬於自己的台慶。

[b]郭鋒：節目年年一樣[/b]
不少由無綫過檔港視的藝人都曾參加過無綫台慶，想當年無綫藝訓班畢業的陸駿光，03年曾為台慶表演，他昨晚仍需為港視劇《Night Shift》開工，陸駿光在葵涌港視辦公室等候出發時，黯然捧着蛋糕許願，落寞唱着「Happy Birthday to HKTV」，問陸駿光可期待港視也有台慶？他說：「入得港視，大家都有夢想，想節目俾人睇到，想台慶慶祝我哋嘅成果。」面對無綫開心賀壽，陸駿光欷歔說：「唔識戥人開心，因為自己努力，連去俾人選擇嘅機會都冇。今晚我要開工唔睇，平日都好少開機。」如何看網民熄機的舉動？他說：「冇乜嘢感覺，我諗吓自己條路多過理其他嘢。」

[img]http://static.apple.nextmedia.com/images/apple-photos/apple/20131120/small/20ec1p1.jpg[/img]
【港視】■港版「半澤」陸駿光昨日黯然捧着生日蛋糕唱着生日歌，他希望港視將來都有台慶。

[img]http://static.apple.nextmedia.com/images/apple-photos/apple/20131120/small/20ec1p15.jpg[/img]
【無綫】■無綫300多名小生花旦昨晚盛裝賀台慶，鏡頭前熱熱鬧鬧。

[img]http://static.apple.nextmedia.com/images/apple-photos/apple/20131120/small/20ec1p10.jpg[/img]
■鄭俊弘（右）和許廷鏗昨晚一邊唱生日歌，一邊捧蛋糕出場。

[img]http://static.apple.nextmedia.com/images/apple-photos/apple/20131120/small/20ec1p2.jpg[/img]
■無綫電視城（紅框示）昨傍晚燈火璀璨，可是鄰近的港視地盤（藍框示）卻冷清清甚荒涼。

郭鋒昨晚也支持熄機，他說：「以前喺無綫，台慶咪好似校慶咁，𠵱家離開咗都冇感覺。台慶節目年年一樣冇內容，又係糟躓人，睇都嘥我啲時間，不如出去睇場戲，或者買碟返嚟睇好過啦！」
身在外地的艾威昨也說：「好耐之前喺台慶表演，嗰陣劉家良師傅做指導，當時打完鼓跟住跳過個鼓，再嚟一字馬。今年台慶對好多人嚟講係難忘，TVB嘅員工，又或者香港嘅市民，都係充滿火藥味，我唔係咁想睇到呢個情況。」艾威也希望港視將來有台慶，證明港視已成立。


[img]http://static.apple.nextmedia.com/images/apple-photos/apple/20131120/small/20ec1p4.jpg[/img]
■郭鋒斥台慶節目年年一樣，沒內容不值一看。資料圖片

[img]http://static.apple.nextmedia.com/images/apple-photos/apple/20131120/small/20ec1p9.jpg[/img]
■陳霽平昨日支持台慶熄機，她約了朋友外出晚飯。

[img]http://static.apple.nextmedia.com/images/apple-photos/apple/20131120/small/20ec1p8.jpg[/img]
■港視藝人關伊彤昨晚熄電視，一家三口往睇籃球。

[b]盼望港視也有台慶[/b]
曾於05年無綫台慶抽中當時價值28萬中山豪華洋房和10萬儲蓄戶口的陳霽平，現今已過檔港視，無緣再參加抽獎，她希望幸運可延續到港視開台後，再在台慶中獲獎，她說：「生日係盛事值得慶祝，如果有咁一日，對港視嚟講都係突破。」黃澤鋒曾於09年台慶中空寶，他原抽中現金獎，卻因早走被迫把獎金拱手給了高鈞賢，黃澤鋒昨說：「邊有咁多時間睇電視，我𠵱家有頭家，憤憤不平都要食飯，我哋冇梁振英咁惡，但王維基係好老細，希望大家齊心合力，有一日獲發牌慶祝台慶。」


[b]街訪：巿民齊齊估收視[/b]
究竟無綫昨晚台慶收視有多少仍是未知之數，會否低過3點要陳百祥（阿叻）認衰跪回家？還是過30點無綫要捐錢收場？且看看巿民覺得台慶會有幾多點收視。


[img]http://static.apple.nextmedia.com/images/apple-photos/apple/20131120/small/20ec1p5.jpg[/img]
金小姐：
我覺得15點，一定仲有家庭支持，因為佢哋有抽獎，我自己就一定會響應，本身自己都唔鍾意睇電視。

[img]http://static.apple.nextmedia.com/images/apple-photos/apple/20131120/small/20ec1p6.jpg[/img]
馬小姐：
19點，多數嘅青少年都會響應，但一般家庭，正常食飯都會開電視，同埋都係抽800個機盒，咁800個係經常睇，又點會唔睇。

[img]http://static.apple.nextmedia.com/images/apple-photos/apple/20131120/small/20ec1p7.jpg[/img]
湯先生：
大家會支持熄電視，支持香港電視，唔發牌又唔知乜嘢原因，但始終係有人會睇電視，所以我諗有24點。

陶小姐：
我話得2點，因為我想睇阿叻（陳百祥）跪地，大家都好想睇佢跪回家。

林小姐：
25點，咁樣無綫其實已經輸咗！因為熄電視行動，有好多唔睇電視，唔鍾意政治嘅朋友都話會響應，真係好大怨氣！

余小姐：
我覺得最少都有30點，我一定會睇台慶，因為有機會抽獎，雖然我係支持王維基，但都冇必要杯葛TVB。

來源:蘋果日報網站